Kürdəmirdə koronavirusa yoluxanların sayı 72 nəfərə çatıb –Daha 5 xəstə aşkar olunub

Kürdəmirdə koronavirus infeksiyasına yoluxanların sayı 72 nəfərə çatıb.

Bu barədə Report-a Kürdəmir Rayon Mərkəzi Xəstəxanasından məlumat verilib.

Bildirilib ki, sonuncu dəfə götürülən yaxma nümunələrin nəticələrinə əsasən, daha beş rayon sakinində koronavirus simptomları aşkar olunub: “Həmin şəxslər dərhal nəzarətə götürülərək aidiyyəti üzrə xəstəxanaya yerləşdiriliblər. Yeni yoluxanlardan dördü rayonun daha çox yoluxma halı qeydə alınan Sığırlı kənd sakinləridir. Bununla da Sığırlı kəndində virusa yoluxanların ümumi sayı 25 nəfərə çatıb. Kürdəmir Rayon İcra Hakimiyyəti, Rayon Polis Şöbəsi, Rayon Gigiyena və Epidemiologiya Mərkəzi və Rayon Mərkəzi Xəstəxanasının əməkdaşları mövcud vəziyyəti tam nəzarətə götürüblər. Kənddə fəaliyyət göstərən çayxanalar, kafelər, eləcə də insanların sıx toplaşdığı ərazilər müvəqqəti olaraq bağlanıb. Kənddə virusun aşkar olduğu ocaqlarda yaşayan və həmin əraziyə gedib-gələnlərdən yaxma nümunələri götürülüb”.

“Rayon ərazisində infeksiyaya yoluxan 72 nəfərdən 31-i müalicəsini başa vurub və sağalaraq evə buraxılıb. Onlardan bir neçəsi tibb işçiləri olub. Qalan 41 nəfər isə hazırda müxtəlif xəstəxanalarda müalicə alır. Bu günə kimi rayonda virusa yoluxanlar arasında ölüm faktı qeydə alınmayıb”, – Kürdəmir RMX-dan bildirilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Yayda işləməsək payızda ciddi ərzaq qıtlığı ilə üzləşə bilərik” –

Sonrakı məqalə

Çində içərisində naməlum maye olan qədim tunc küp aşkar edildi –