Lənkəranda avtomobil 90 yaşlı kişini vurub –

Ağsaqqalı xilas etmək mümkün olmayıb (FOTO)
19 Sentyabr 2020 - 13:49

Lənkəranda piyadanın ölümü ilə nəticələnən yol-nəqliyyat hadisəsi baş verib.

Hadisə Lənkəran-Boradigah yolunun Veravul kəndindən keçən hissəsində qeydə alınıb.

Rayonun Separadi kənd sakini, 1987-ci il təvəllüdlü Hünər Ərəstun oğlu Rzayev idarə etdiyi 42-BR-872 dövlət qeydiyyat nişanlı “VAZ-2104” markalı avtomobil ilə Veravul kənd sakini, 1930-cu il təvəllüdlü Fərman Feyzi oğlu Qurbanovu vurub.

Çoxsaylı sınıq xəsarətləri alan yaralını sürücü özü Lənkəran Rayon Mərkəzi Xəstəxanasına çatdırsa da, piyadanın həyatını xilas etmək mümkün olmayıb. (APA)

Faktla bağlı araşdırma aparılır.