Lənkəran rayon ağsaqqallar şurasının fəxri sədri Kamal Kələntərli bu gün 102 yaşında vəfat edib.
Azpost.info xəbər24-ə istinadən bildirir ki, K.Kələntərli 1922-ci ilin iyulun 20-də dünyaya göz açıb. Lənkəran Pedaqoj məktəbini bitirdikdən sonra 1941-45-ci odlu-alovlu müharibə illərində Lerikin ucqar dağ kənd məktəblərində müəlim işləyib.
Sonralar Baki Kooperasiya Texnikumunu və Ümumittifaq Kooperasiya İnstitutunun Bakı filialını bitirən Kamal müəllim Lənkəranın ayrı-ayrı kəndlərində istehlak cəmiyyətlərinin sədri, rayon maliyyə şöbəsində inspektor, dəmiryolu restoranlar birliyinin sədri vəzifələrində çalışıb.
Dövlətçiliyə və xalqına sədaqətlə xidmət edən Kamal Kələntərli 1992-ci ildə təqaüdə çıxdıqdan sonra da ictimai fəaliyyətini davam etdirib, Lənkəran rayon ağsaqqallar şurasının sədri vəzifəsində çalışıb. Xalqa və dövlətə xidmət missiyasını yerinə yetirən el ağsaqqalı YAP-ın təbliğat qrupunun üzvü olub.
Qeyd edək ki, mərhum yaxın saatlarda Lənkəranın Sardaxıl qəbirstanlığında torpağa tapşırılacaq.
Allah rəhmət eləsin.