“Latviya səfərbərlikdən yayınan ruslara humanitar və digər növ vizalar verməyəcək”.
Azpost.info xəbər verir ki, bunu Latviya xarici işlər naziri Edqar Rinkeviç “Tviter” səhifəsində yazıb.
O əlavə edib ki, Latviya Şengen vizası olan Rusiya vətəndaşları üçün sentyabrın 19-dan tətbiq edilən sərhədi keçmək məhdudiyyətlərini dəyişmək niyyətində deyil.
Rusiyada bu gündən qismən səfərbərlik elan edilib. Müdafiə naziri Sergey Şoyqu 300 min ehtiyatda olan hərbçinin orduya çağırılacağını açıqlayıb. Dövlət Dumasının Müdafiə Komitəsinin rəhbəri Andrey Kartapolov bildirib ki, səfərbərlik ilk növbədə yaşı 35-dən aşağı olan əsgərlər, komandirlər və gizirlər və 45 yaşadək kiçik zabitləri əhatə edə bilər.
Azpost.info
