Bu günlərdə azərbaycanlı aktyor, Respublikanın Əməkdar artisti, “Qızıl qılınc” mükafatı laureatı Ağalar Bayramova həsr edilmiş “Mənəm, Ağalaram, şeir deyirəm” adlı kitab işıq üzü görüb.
Kitabda Respublikanın görkəmli söz, sənət adamlarının, tanınmış ziyalıların, yazarların Ağalar Bayramova həsr etdikləri publisistik məqalələr, şeirlər və xatirələr yer alıb.
“Elm və təhsil” nəşriyyatında çap olunan kitab “Tovuz Xeyriyyə Cəmiyyəti”nin sədr müavini Çingiz Abbasovun maddi dəstəyi, Ramiz Qusarçaylının redaktorluğu və İradə Aytelin tərtibatı ilə işıq üzü görüb.
