Dünya şöhrətli Amerika yazıçısı Mark Tven öz əsərləri ilə ədəbiyyat tarixində mühüm yer tutur.
Onun “”Tom Soyerin macəraları” kitabını yəqin ki, çoxları oxuyub. Tanınmış amerika yazıçıları Uilyam Folkner Tveni Amerika ədəbiyyatının “atası” adlandırıb. Ernest Heminquey isə müasir Amerika ədəbiyyatının Tvenin sadəcə bir əsərindən – “Heklberri Finnin sərgüzəştləri” romanından “törədiyini” bildirib.
AzPost bildirir ki, dahi yazıçının ev-müzeyi özünü rəsmi səhifəsində Mark Tvenin mövcud olan yeganə video görüntülərini paylaşıb.
Səssiz film kadrları Tomas Edison tərəfindən 1909-cu ildə Mark Tvenin Konnektikut ştatının Reddinq şəhərindəki malikanəsində çəkilib.
Kadrlarda Mark Tvenin klassik kostyumunu geyindiyi, siqaret çəkdiyi və qızları Clara və Ceyn ilə rahat günortadan sonra söhbətləşdiyi görünür.
Amerika yazıçısı, jurnalisti və ictimai xadimi Mark Tvenin əsl adı Samuel Klemensdir.
Oxuculara daha çox “Heklberri Finnin sərgüzəştləri” (Adventures of Huckleberry Finn) və “Tom Soyerin macəraları” (The Adventures of Tom Sawyer) adlı romanları ilə tanışdır. Mark Tven bir çox məşhur aforizmlərin müəllifi kimi də tanınır. Klemens dövrünün ən məşhur adamları-prezidentlər, dünya şöhrətli incəsənət xadimləri, sənayeçilər və Avropa kral ailələri ilə dostluq münasibətlərində olub.
Mark Tven 30 noyabr 1835-ci ildə ABŞ ın Missuri əyalətinin Florida bölgəsində dünyaya gəlib.
1909-cu ildə 29 yaşındakı kiçik qızı Ceyn infarkt nəticəsində həyatını itirib. Mark Tven 1906-cı ildə yazmağa başladığı bioqrafiyasını tamamlamadan keçirdiyi ürək narahatlığı nəticəsində 21 aprel 1910-cu ildə vəfat edib.
