Dünya şöhrətli müğənni Madonnanın səhhətinin kəskin şəkildə pisləşməsinin səbəbi məlum olub.
Azpost.info xəbər verir ki, “Daily Mail” sənətçiyə yaxın mənbəyə istinadən yazır ki, 64 yaşlı müğənni bakterial infeksiyaya yoluxduqdan sonra xəstəliyin əlamətlərinə məhəl qoymayıb.
Mənbə bildirib ki, Madonnanın səhhətində xəstəxanaya yerləşdirilməsindən xeyli əvvəl problemlər yaranıb. Xəstəliyə baxmayaraq, Madonna yaradıcılığının 40 illiyinə həsr olunmuş “Celebration” dünya turnesinə hazırlaşmaq üçün saatlarla məşq edib. Müğənninin komandasının üzvləri həftənin altı günü 12 saatlıq məşqlərin keçirildiyini bildiriblər.
“Bu rejim ən gənc və ən güclü sənətçilərə belə, yorucu olardı. Dünyada 70-dən çox konsert – bu, həddindən artıqdır”, – “Daily Mail”ə danışan mənbə bildirib.
Həkimlər Madonnada kəskin bakterial infeksiya aşkar ediblər.
Azpost.info
