Fransa prezidenti Emmanuel Makron müstəmləkəçilik dövrü üçün Əlcəzairdən üzr istəməyəcəyini deyib.
Azpost.info xəbər verir ki, Fransa lideri bu barədə “Le Point” qəzetinə müsahibəsində bildirib.
Lakin o, iki ölkəni barışdırmaq üçün birgə səyləri davam etdirmək məqsədilə əlcəzairli həmkarı Abdelmacid Tebbunu Parisdə qəbul etməyə ümid etdiyini dilə gətirib.
“Üzr istəməyə ehtiyac görmürəm. Əsas o deyil. Çünki bu jest bütün əlaqələri kəsə bilər. Ən pisi, üzr istədiyimizi söyləmək və sonra da hərinin öz yoluyla getməsi olardı. Müharibə oldu. Üzr istəsən də, istəməsən də, heç nəyi düzəldə bilməzsən. Biz tarixə qayıtmalı və ona düzgün qiymət verməliyik”, – Makron vurğulayıb.
Qeyd edək ki, Fransanın müstəmləkəçilik siyasəti nəticəsində 1,5 milyondan çox əlcəzairli öldürülüb, yüz minlərlə insan yaralanıb, itkin düşüb və ya evlərini tərk etməyə məcbur olub.
Azpost.info
