İngiltərə Premyer Liqasında XXXII tura yekun vurulub.
Apasport.az saytının məlumatına görə, turun mərkəzi oyunu son gündə reallaşıb.
“Liverpul” mövsümboyu əsas rəqibi olan “Mançester Siti” ilə səfər matçına çempion kimi çıxıb. Nəticəsi elə böyük önəm kəsb etməyən qarşılaşmada “şəhərlilər” rəqibinə “soyuq duş” yaşadıb. Əvvəlcə “qırmızılar”a çempionluq dəhlizi açan “Mançester Siti” çempionu darmadağınla yola salıb.
Avrokuboka vəsiqə iddiasını davam etdirən “Şeffild Yunayted”lə “Tottenhem”in duelindən isə birincilər qalib ayrılıb. İnamlı qələbəyə sevinən “Şeffild Yunayted” turnir cədvəlində London təmsilçilərini geridə qoyub.
Premyer Liqada XXXIII turun matçları 4-6 iyul tarixlərində keçiriləcək.
İngiltərə Premyer Liqası
XXXII tur
2 iyul
“Şeffild Yunayted” – “Tottenhem” – 3:1
Berge, 31; Musset, 69; Makburni, 84 – Keyn, 90
“Mançester Siti” – “Liverpul” – 4:0
De Bruyne, 25 (pen.); Sterlinq, 35; Foden, 45; Oksleyd-Çamberlayn, 66 (avtoqol)
