Masallıda bazarda yanğın məhdudlaşdırılıb.
Bu barədə FHN-in Mətbuat xidməti məlumat yayıb.
Bildirilib ki, Masallı şəhərində bazar ərazisində yanğın baş verib və dərhal Fövqəladə Hallar Nazirliyi Dövlət Yanğından Mühafizə Xidməti və Cənub Regional Mərkəzinin qüvvələri hadisə yerinə cəlb olunub.
FHN-in qüvvələri tərəfindən görülmüş zəruri və təxirəsalınmaz tədbirlər sayəsində yanğın məhdudlaşdırılıb.
Hazırda yanğının tam söndürülməsi istiqamətində tədbirlər davam etdirilir.
Əlavə məlumat veriləcək.
Yanğınla bağlı Masallı rayon Mərkəzi Xəstəxanasına 4 nəfər müraciət edib. Onlar Masallı sakinləri – Mirzəyev Amid Mail oğlu (1994-cü il), Xankişiyev İsmət Sənan oğlu (1998), Cahangirov Rəvan Səyyad oğlu (2004), İskəndərov Kamil Sərhəd oğludur (2002).
Amid Mirzəyevin qolundan yanıq xəsarəti aldığı, digər şəxslərin isə tüstüdən zəhərləndikləri bildirilir.
