“Möhkəm” manat və ucuz idxal yoxsulluğun artmasına imkan vermir” –EKSPERT ŞƏRHİ

“Manatın məzənnəsinin inzibati qaydada sabit saxlanılması idxaldan asılı ölkələrdə yoxsulluğun miqyasının genişlənməsinə imkan vermir”.
Azpost.info bildirir ki, bu sözləri iqtisadçı ekspert Rövşən Ağayev paylaşımındakı şərhində qeyd edib.
“Milli valyutanın məzənnəsinin inzibati qaydada sabit tutulması, dönərli valyutalar qarşısında real dəyər qazana bilməməsi yoxsul və idxaldan asılı ölkələr üçün tək bir səbəbdən cəlbedici görünür: daha ucuz idxal yoxsulluğun miqyasının genişlənməsinə imkan vermir“-deyə ekspert yazıb.
R.Ağayevin sözlərinə görə, bu şəraitdə ev təsərrüftlarının, biznesin itkiləri həddən artıq böyük olur , dollar əsaslı yatırımlar, istehlak və xidmət səbətləri də kəskin dəyər itirir:  “Məsələn, məzənnənin sabit tutulduğu 2016-2024-cü illərdə hətta yetərincə etibarlı sayılmayan yaşayış minimunun dəyəri dollar ifadəsində 2 dəfə artıb – 80 dollardan 160 dollara yüksəlib. Bu o deməkdir ki, sizin sandıqda tutduğunuz 10 min dolların alıcılıq qabiliyyəti ötən 8 ildə 2 dəfə azalıb. Nəzərə alaq ki, gətirdiyim müqayisə istehlak qiymətləri indeksinə əsaslanır”.
Ekspert deyib ki, amma ötən dövrdə sənaye, aqrar və xidmət seqmenti üzrə istehsalçı qiymət indekskərinin artım tempi bundan daha yüksək olub: “Hətta bu vəsaiti sandıqda saxlamayıb depozit kimi bankda qoysadınız belə, hazırkı valyuta depozitləri üzrə faizlələrlə (1-1,5%) sizin yığımınızı dollar əsaslı inflyasiyadan maksimum 10-12%-lik intervalda qoruyardı”.
Əvvəlki məqalə

Məhkəmə sabiq MTN generalı Mövlam Şixəliyevlə bağlı qərar verib

Sonrakı məqalə

Müavinətlər üzrə 356, Prezident təqaüdləri üzrə 228 milyon manat ödənilib