Bələdiyyə
Beyləqan rayonu Kəbirli kənd bələdiyyəsinə 4 aydır sədr seçilməyib. AzPost-un əldə etdiyi məlumata görə son seçkilərdən 4 ay ötsə də bələdiyyə üzvləri sədr seçə bilməyiblər.
Qeyd edək ki, Azərbaycanda yanvarın 29-da keçirilmiş seçkilərin nəticələrinə görə, Beyləqan rayon Kəbirli kənd bələdiyyəsinə 11 nəfər üzv seçilib.
Maraqlıdır ki, 4 ay ərazində bələdiyyə üzvləri iclas keçirərərk sədr seçə bilməyiblər. İddialara görə üzvlərdən yarısı Kəbirli kənd qeydiyyatında olsa da Bakı şəhərində yaşayır.
MSK-nın rəsmi saytında seçilmiş bələdiyyə üzvlərinin siyahısı dərc olunub.
Beyləqan rayon İcra Hakimiyyətinin rəsmi saytında isə Kəbirli bələdiyyəsinin tərkibi və sədri haqqında heç bir məlumat qeyd olunmayıb.
Xatıladaq ki, Kəbirli bələdiyyəsinin künc ştampı və möhürü itib. Bununla bağlı elanda möhürün hansı şəraitdə itdiyi açıqlanmayıb. Möhür və ştamp itdiyi üçün etibarsız sayılıb.
