“Britaniya NATO-dakı müttəfiqləri ilə Moldovaya müasir silahların tədarükü məsələsini müzakirə edir”.
Azpost.info xəbər verir ki, bunu Britaniya xarici işlər naziri Liz Tras “The Telegraph”a müsahibəsində bildirib. “Mən Moldovanın NATO standartlarına uyğun silahlanmasını istərdim”, – nazir bildirib.
Qəzet yazır ki, alyans üzvləri razılaşarsa, Kişinyov yeni silah növləri ilə təmin olunacaq və Moldova ordusunun əsgərlərinə bu silahlardan istifadə qaydaları öyrədiləcək. Moldova şimal, şərq və cənubdan Ukraynanın vilayətləri ilə həmsərhəddir.
Fransa prezidenti Emmanuel Makron Ukraynadakı münaqişənin Moldovaya da təsir edə biləcəyi barədə xəbərdarlıq edib. “Dnestryanıda baş verən son hadisələr göstərir ki, münaqişənin qonşu ölkələrə də yayılması istisna olunmur”, – Makron deyib.
Azpost.info
