Moskva hakimiyyəti Yevgeni Priqojinin silahlı üsyanı ilə bağlı antiterror əməliyyatının başladığını elan edib.
Azpost.info bildirir ki, bu barədə Moskva meri Sobyanin teleqram kanalında bəyan edib. Hökumət orqanları və müəssisələr, hərbi-sənaye kompleksi və şəhər xidmətləri istisna olmaqla, bazar ertəsi qeyri-iş günü elan edilib.
Moskva sakinlərindən mümkün qədər şəhər ətrafında səyahət etməkdən çəkinmələri xahiş olunur. “Müəyyən məhəllələrdə və müəyyən yollarda nəqliyyatın hərəkətini dayandırılacaq”, – Sobyanin xəbərdarlıq edib.
Vətəndaşları həmçinin fövqəladə hallar və insidentlər barədə vaxtında məlumat verməyə çağırılır.
Moskvada bütün xidmətlər yüksək hazırlıq vəziyyətindədir.
