Avqustun 18-nə keçən gecə “Moskva siti” biznes mərkəzinə dron hücumu olub.
Azpost.info xəbər verir ki, Moskva meri Sergey Sobyanin bildirib ki, dron hava hücumundan müdafiə qüvvələri tərəfindən vurulub.
“Dron parçaları “Eksposentr” zonasına düşüb, binaya ciddi ziyan dəyməyib. Şəhərin fövqəladə hallar xidmətləri hadisə yerində işləyir”, – mer bildirib.
TASS fövqəladə hallar xidmətindəki mənbəyə istinadən xəbər verir ki, “Expocentr”in pavilyonlarından biri qismən zədələnib. Xüsusən də xarici divar uçub. Çökmə sahəsi təxminən 30 kvadratmetrdir.
“Mash” yazır ki, çökmə səkkizinci pavilyonda baş verib.
“Caution News” xəbər verir ki, PUA-nın düşməsindən sonra Krasnopresnenskaya bəndi bağlanıb.
“Shot” Teleqram kanalı yazır ki, Moskva yaxınlığındakı Odintsovo, Trexqorka və Krasnoqorskda da partlayış səsləri eşidilib. Bu məlumatın rəsmi təsdiqi yoxdur.
Həmçinin PUA-nın aşkarlanmasından sonra Federal Hava Nəqliyyatı Agentliyi paytaxtın bütün hava limanlarını (Vnukovo, Domodedovo, Şeremetyevo və Jukovski) müvəqqəti olaraq bağlayıb. Moskva vaxtı ilə saat 04:30-da məhdudiyyətlər götürülüb.
İyulun sonundan etibarən Moskvaya dron hücumları artıb. Sonuncu belə hücum avqustun 11-i səhər saatlarında baş verib.
Azpost.info
