Rusiyada nəşr olunan kitab və broşürlərin tirajı kəskin şəkildə azalıb.
Azpost.info xəbər verir ki, bu barədə “Kommersant” Rusiya Kitab Palatasına istinadən məlumat yayıb.
Məlumata görə, bu ilin yanvar-mart aylarında tirajlar 23 faiz azalaraq 69 milyon nüsxəyə düşüb.
Həmçinin, göstərilən dövr üçün məhsulların sayı 13 faiz – 26 min ədədə qədər azalıb. Cildli kitab və broşürlərin ümumi tirajı 31 faiz azalaraq 23 milyon nüsxəyə düşüb.
Eyni zamanda, yeni nəşrlərin tirajı 28 faiz azalaraq 19 milyon nüsxəyə enib.
Naşirlərin problemləri Rusiyanın Ukraynaya genişmiqyaslı müdaxiləsindən sonra başlayıb. Məşhur xarici müəlliflər, o cümlədən Stiven Kinq, Coan K.Roulinq və Nil Qeyman Rusiya nəşriyyatları ilə işi dayandırıblar. Üstəlik, sanksiyalar səbəbindən üzlənmiş kağız, istehlak materialları, avadanlıq və onun ehtiyat hissələri ilə bağlı problemlər yaranıb.
Azpost.info
