Rusiya ilə Qərb bloku arasında “böyük razılaşma” əldə olunarsa, Ukraynadakı münaqişəyə son qoyulacaq.
TASS agentliyi xəbər verir ki, bu barədə Türkiyə Prezidentinin rəsmi nümayəndəsi İbrahim Kalın məlumat verib.
Onun sözlərinə görə, burada əsas məsələ Rusiyanın Qərblə, ilk növbədə ABŞ-la yeni saziş bağlamaq istədiyi daha geniş geosiyasi mənzərədir: “Əks halda müharibə uzun müddət davam edəcək, xərclər daha da artacaq, hər iki tərəfdən böyük itkilər olacaq. İstədiyimiz hər iki tərəf arasında neytral mövqeyimizi saxlamaq, onları bu müharibəni necə dayandırmaq barədə ciddi söhbət üçün bir araya gətirməkdir”.
