“Avropa ölkələri azadlıq və tolerantlıq arxasında gizlənərək “Quran”a qarşı nifrət cinayətlərinə son qoymalıdırlar”.
Azpost.info xəbər verir ki, bunu Türkiyə prezidentinin rəsmi nümayəndəsi İbrahim Kalın bildirib.
“İsveçdən sonra Niderlandda da müqəddəs kitabımıza qarşı edilən hərəkəti şiddətlə qınayırıq. Bu nifrət cinayətini azadlıq və tolerantlıqla ört-basdır etmək mümkün deyil”,- Kalın deyib.
Qeyd edək ki, məsələ ilə bağlı bu gün Niderlandın Ankaradakı səfiri Türkiyə Xarici İşlər Nazirliyinə çağırılıb. XİN bəyan edib ki, Ankara Niderland rəsmilərindən hadisəni törədən şəxsə qarşı lazımi tədbirlər görülməsini və bunun təkrarlanmasının qarşısını alınmasını gözləyir.
Azpost.info
