Vətəndaş Elmar Məmmədov “Music Gallery”dən şikayətçidir. AzPost xəbər verir ki, o bu barədə sosial şəbəkə hesabında bildirib. Qeyd edib ki, 2024-cü ilin fevral ayında mağazadan “Playstation 5” məhsulunu alıb. “10 aydan sonra məhsulda problem yarandı və ekran görüntüsü itdi”.
Müştəri deyir ki, məhsulun zəmanəti olduğu üçün servisə göndərib. “Türkiyədə yaşadığım üçün cihazı əlavə ödənişlə Azərbaycana göndərdim və servis 15 gün ərzində cavab verəcəyini bildirdi. 1 aydan sonra mənə HDMİ problemi olduğunu və 90 manat ödənişlə həll edəcəklərini dedilər. Məhsulun zəmanəti olduğunu bildirsəm də zəmanətin qeyd olunan problemi qarşılamadığını əsas gətirdilər”.
Vətəndaş deyir ki, nə mağaza, nə də servis zəmanətlə problem həll etmədi. “Nəticə odur ki, artıq zəmanət, qızıl zəmanət məsələlərinə inanmıram. Bunlar boş şeylərdir. Servislər də mağazanın xeyrinə istədiyi kimi hərəkət edir” – deyə Elmar Məmmədov bildirib.
