“İrşad”
Vətəndaş Pərviz Həbibli “İrşad” mağazasından aldığı elektrik çaydanından narazıdır. AzPost-a müraciət edən müştəri bildirib ki, aldığı məişət texnikası iki ay sonra sıradan çıxıb.
Onun sözlərinə görə, cihazı servisə təhvil verərkən ona ən geci on dörd gün ərzində təmir olunaraq qaytarılacağı bildirilib. Hətta texniki baxışın daha tez – iki-üç gün ərzində başa çatdırıla biləcəyi də deyilib. Lakin real vəziyyət fərqli olub.
Pərviz Həbibli qeyd edib ki, artıq iyirmi gündən çox vaxt keçməsinə baxmayaraq çaydan hələ də ona qaytarılmayıb. Hər dəfə müraciət etdikdə servis əməkdaşları cihazın hələ də təmirdə olduğunu, müddətin isə qırx beş gün çəkə biləcəyini deyirlər.
Vətəndaş mövcud vəziyyəti istehza ilə qarşılayaraq bildirib: “Bu sadəcə çaydandır, maşın mühərriki deyil ki, aylarla təmir edilsin. Hətta xaricdən avtomobil sifariş versəm belə, bundan tez gəlir”.
O, şirkətin müştəri məmnuniyyətinə önəm vermədiyini, təmir prosesinin ləngiməsindən ciddi narazılıq yaşadığını vurğulayıb.
Hazırda vətəndaş qurumun dəqiq cavab verməsini və problemin qısa müddətdə həllini tələb edir.
