Daimi stress insanın sağlamlığına qaçılmaz şəkildə təsir edir. Narahatlıq aydın bir səbəb olmadan yaranarsa, bədən xroniki olaraq gərginləşir.
AzPost bildirir ki, bu sözləri psixiatr və psixoterapevt Alina Popoviç Gazeta.Ru-ya narahatlıq pozğunluqlarının fiziki təzahürləri barədə danışarkən deyib.
“Narahatlıq təkcə insanın şüuruna deyil, həm də sağlamlığına təsir göstərir. Ümumi simptomlara ürək döyüntüsünün artması, qan təzyiqinin yüksəlməsi, nəfəs darlığı daxildir. İnsanda titrəmə, mədə-bağırsaq problemləri, baş ağrıları və başgicəllənmə də ola bilər”, – mütəxəssis qeyd edib.
Həkim əlavə edib ki, bu simptomlar çox vaxt fiziki xəstəliklərlə qarışdırılır. Ancaq narahatlıq arzuedilməz diskomfort yaradırsa bu artıq həkimə müraciət etmək üçün bir səbəbdir.
Maraqlıdır ki, bir sıra araşdırmalar göstərir ki, ev heyvanı olan insanlar daha az narahatlıq keçirir və tənhalıq hisslərinin öhdəsindən daha yaxşı gəlir.
