REAL Partiyasının sədri Natiq Cəfərli Prezident Administrasiyasının siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev ilə görüşüb.
AzPost bildirir ki, bu barədə partiya məlumat yayıb. Görüş bu gün keçirilib.
Söhbət zamanı ölkədəki siyasi-ictimai durum, qanunvericilik prosesi ilə bağlı fikir mübadiləsi aparılıb, Qarabağ və Şərqi Zəngəzura köç məsələlərinə toxunulub.
Dövlət və siyasi partiyalar arasında mütəmadi fikir mübadiləsinin davam etdiriməsinin vacibliyi görüşdə bir daha qeyd olunub.
