NATO Rusiyaya qarşı silah tətbiqi ilə bağlı təlimatlarının dəyişdirilməsini müzakirə edir.
AzPost bildirir ki, bu barədə İtaliyanın Sky TG24 xəbər agentliyi ABŞ-ın NATO-dakı səfiri Metyu Uitakerə istinadən məlumat yayıb.
“Heç kimə sirr deyil ki, milli məhdudiyyətlər nə qədər çox olarsa, yüksək səviyyəli rəhbərliyin cəld reaksiya verməsi bir o qədər çətindir. Biz alyans daxilində danışıqları davam etdirəcəyik ki, onlar azaldıla bilərsə, bu, həyata keçiriləcək”.
Uitaker vurğulayıb ki, silahı tədarük edən ölkə onlardan “ağıllı şəkildə istifadə ediləcəyinə və vəziyyəti gərginləşdirməyəcəyinə” əmin olmaq istəyir.
Həmin günün əvvəlində Uitaker Kiyevə hərbi yardımla bağlı “əsas elanlar” hazırladığını açıqlamışdı.
Ötən həftə ABŞ prezidenti Donald Tramp Amerika qanadlı raketlərinin Ukraynaya təhvil verilməsi barədə praktiki olaraq qərar qəbul etdiyini, lakin Kiyevin onlardan istifadə planlarına aydınlıq gətirmək istədiyini bəyan edib. Kreml xəbərdarlıq edib ki, belə bir addım ciddi eskalasiyaya səbəb ola bilər.
