Münhenin Bundesver Farmakologiya və Toksikologiya İnstitutunun mütəxəssisləri Aleksey Navalnının qanında, sidiyində və dərisində, eləcə də təyyarədə yanında olan butulkada “Noviçok” qrupundan olan zəhərli maddənin izlərini tapıblar.
TASS xəbər verir ki, bu barədə cümə günü hökumət mənbələrinə əsasən “Spiegel” jurnalı məlumat dərc edib.
Bildirilib ki, analizlərin nəticələri barədə kansler Angela Merkelin vitse-kansler Olaf Şolz, Xarici İşlər nazirləri Heiko Maas, Daxili İşlər naziri Horst Zeehofer, Ədliyyə naziri Kristin Lambrext və Müdafiə naziri Anneqret Kramp-Karrenbauer, həmçinin, kansler administrasiyasının rəhbəri Helq Braun ilə görüşü zamanı məruzə edilib.
Bundesver mütəxəssislərinin məruzəsinin toplantı iştirakçılarında “əsl şok” yaratdığı bildirilib.
Nəşrin yazdığına görə, çox güman ki, Navalnı zəhərlənəndən sonra həmin butulkadan maye qəbul edib və bu səbəbdən şüşədə zəhərin izləri aşkarlanıb.
