Qazaxıstanın birinci prezidenti Nursultan Nazarbayevin bacısı Anipa Nazarbayeva qaçaqmalçılıqda ittiham olunur.
Azpost.info xəbər verir ki, bu barədə Qazaxıstan Baş Prokurorluğu məlumat yayıb.
Məlumata görə, Anipa Nazarbayevaya məxsus “Group Of The Companies Tda” şirkətinin yüklərinə baxış keçirərkən 287 milyon təngə dəyərində bəyan olunmamış mallar aşkarlayıb. Şirkətin direktoru nəzarətə götürülüb. Bəyan olunmayan yüklə bağlı əlavə məlumat verilmir.
Dövlət reyestrində Nazarbayevin bacısı ilə yanaşı, Əli Klışpayevin də adı şirkətin təsisçisi kimi keçir. Elbasının kiçik bacısı olan Anipa Nazarbayeva “Kenjehan-2” bazarının təsisçilərindən biridir. Bundan başqa, o, təhlükəsizlik firmasına, özəl məktəbə və istehlak malları şirkətlərinə sahibdir.
Azpost.info
