Norveçə Ukraynadan ilk yaralı əsgərlər gəlib.
Ölkəyə gələn yaralılar Norveç xəstəxanalarında müalicə alacaqlar. Humanitar aksiya 550 pasiyent üçün əvvəlcədən təsdiqlənmiş sxem çərçivəsində Avropa İttifaqının Fövqəladə hallar üzrə Mülki planına (UCPM) Norveçin töhfəsi çərçivəsində həyata keçirilir.
Bununla da, bu ölkə layihə çərçivəsində yaralı ukraynalı əsgərləri təxliyə edən səkkiz ölkədən biri olub. Norveç hakimiyyət orqanları bu sxem üzrə yardımlarını Ukraynaya dəstək olmaqda vacib vasitə hesab edirlər.
Krallıq hökumətinin fikrincə, Norveçin yaralı əsgərlərin tibbi təxliyəsi və müalicəsinə verdiyi töhfə müharibə səbəbindən böyük təzyiq altında olan Ukrayna səhiyyə xidmətinin yükünü yüngülləşdirməyə kömək edəcək.
Daha əvvəl Norveçə gələn digər ukraynalılar kimi, yaralı ukraynalı hərbçilərə də müalicədən sonra bələdiyyənin qəbul məntəqəsində yerləşmə təklif olunacaq.
