“Zorakılığın demokratiyada yeri yoxdur“.
Azpost.info bildirir bu sözləri ABŞ-ın keçmiş prezidenti Barak Obama prezident Trampın Vaşinqton Hilton otelində qatıldığı qəbulda baş verən atışma ilə bağlı şərh edərkən deyib.
“Dünən Ağ Ev Müxbirlərinin Şam yeməyində baş verən atışmanın səbəbi barədə hələlik ətraflı məlumatımız olmasa da, zorakılığın demokratiyamızda yeri olduğu fikrini rədd etmək bizim borcumuzdur”- deyə o, X-də paylaşımında bildirib.
Obama həmçinin Məxfi Xidmətin işinin vacibliyini vurğulayıb.
Tramp və həyat yoldaşı Melaniya 25 apreldə Ağ Ev Müxbirləri Assosiasiyasının şam yeməyindən atəş səsləri eşidildikdən sonra təxliyə ediliblər. ABŞ prezidenti daha sonra atıcının tutulduğunu açıqlayıb. ABŞ prokuroru Pirro bildirib ki, atışmadan sonra həbs olunan şəxs 27 aprel bazar ertəsi günü məhkəmə qarşısına çıxacaq.
