Ukraynanın keçmiş prezidenti Pyotr Poroşenko hazırkı dövlət başçısı Vladimir Zelenskiyə açıq məktubla müraciət edərək ölkədən çıxmasına icazə verilməsini xahiş edib.
Azpost.info xəbər verir ki, bu barədə “Ukrinform” “Telegram” kanalı məlumat yayıb. Poroşenko ümid etdiyini bildirib ki, hökumət onun NATO Parlament Assambleyasında iştirak üçün Niderlanda getməsinə izin verəcək.
Onun fikrincə, xarici təhlükə fonunda birliyi və koordinasiyasını qorumaq, beynəlxalq platformalarda birgə işləmək son dərəcə vacibdir.
Mayın 28-də Poroşenko iki dəfə Ukraynanı tərk etməyə cəhd edib. O, Lvov gömrüyünün “Rava-Russkaya” keçid məntəqəsi vasitəsilə ölkəni tərk etməyi planlaşdırsa da, bu cəhdi baş tutmayıb. Əvvəcə bildirildi ki, eks-prezident növbədən yan keçmək üçün qarşıdan gələn zolağa çıxıb və patrul əməkdaşları tərəfindən saxlanılıb. Sonradan məlum oldu ki, Poroşenko Ali Radanın sədri Ruslan Stefançukun Radanın daimi nümayəndə heyətinin ezamiyyətə getməsi haqqında sərəncamının surətindəki QR kodu ilə bağlı problemlərə görə ölkəni tərk edə bilməyib.
Azpost.info
