Ombudsman Aparatının nümayəndələri Tofiq Yaqublu ilə görüşüb

14 Sentyabr 2020 - 13:12

Ombudsman Aparatının nümayəndələri hazırda “City Hospital”da müalicə edilən Müsavat partiyasının üzvü Tofiq Yaqublu ilə görüşüblər.

Bu barədə onun qızı Nigar Həzi məlumat verib.

O bildirib ki, T. Yaqublu reanimasiyadan palataya köçürülüb: “Gecə sistem qoşularaq yatızdırılıb. Həkimi Adil Qeybulla indi yenə sistem qoşulacağını bildirdi. Bu gün Ombudsman Aparatından iki nümayəndə gəlib Tofiq Yaqubluyla görüşüb”.

N. Həzi onu qeyd edib ki, vəkillər hələ T. Yaqubluyla görüşə bilməyib.

Qeyd edək ki, Penitensiar Xidmət T. Yaqublunun vəziyyəti ilə məlumat yayıb.