Ötən il 27 bazar subyekti tərəfindən haqsız rəqabət hallarının əlamətləri könüllü aradan qaldırılıb.
Bunu Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli ötən ilin yekunları ilə bağlı keçirilən mətbuat konfransında bildirib.
O qeyd edib ki, hesabat dövründə baxılması başa çatmış işlər üzrə 24 bazar subyektinə 649,6 min manat maliyyə sanksiyası tətbiq edilib.
“Bundan başqa, tələb olunan məlumatları və sənədləri təqdim etmədiyinə görə 3 bazar subyektinə 148,2 min manat maliyyə sanksiyası tətbiq olunub. İşlərə baxılması davam edir”, – deyə Məmməd Abbasbəyli vurğulayıb.
