Ukrayna prezidenti Vladimir Zelenski Rusiyanın hərbi təcavüzünə qarşı çıxmaq üçün NATO qoşunlarına ehtiyacı olmadığını bildirib.
Azpost.info xəbər verir ki, o, Ukraynaya qoşun yeritməyə icazə verən Fransa prezidenti Emmanuel Makronun sözlərini belə şərh edib.
Zelenski Ukrayna ordusunun hələ ki duruş gətirdiyini deyib: “Belə olan təqdirdə Fransa ordusu öz ərazisində qala bilər. Lakin Rusiya prezidenti Vladimir Putin başqa bir NATO ölkəsinə hücum edərsə, vəziyyət tamamilə fərqli olacaq”.
Zelenski xatırladıb ki, Ukrayna NATO-nun üzvü deyil və buna görə də blokun bir və ya bir neçə üzvünə hücum zamanı kollektiv cavab tədbirləri nəzərdə tutan Şimali Atlantika Müqaviləsi 5-ci maddəsinə tabe deyil.
Zelenski fransızlara müraciət edərək, “Ukrayna torpaqlarında övladlarınız ölməyəcək” deyib.
Rusiya prezidenti Vladimir Putin Makronun məlum bəyanatından sonra Ukraynadakı mümkün müdaxiləçiləri nüvə silahı ilə hədələyib, onların ərazilərindəki hədəfləri vura biləcəklərini bildirib.
Azpost.info
