ölümündən sonra
Moskva vilayətinin Odintsovo rayonunda dəhşətli hadisə baş verib. AzPost Rusiya mediasına istinadən xəbər verir ki, 60 yaşlı kişi sifariş etdiyi qranit plitələrin altında qalaraq həyatını itirib.
Faciə Razdorı kəndində, mərhumun şəxsi bağ evinin yaxınlığında yaşanıb. Məlumata görə, kişi sahəsinə bir dəstə qranit plitə sifariş verib. Yük maşını malları gətirdikdən sonra o, sayını yoxlamaq məqsədilə yarımqoşquya minib.
Elə bu zaman plitələr sürüşərək birbaşa onun üzərinə tökülüb. Aldığı ağır xəsarətlər nəticəsində kişi hadisə yerindəcə keçinib. Hadisə cümə günü axşam saatlarında baş verib.
Qonşuların sözlərinə görə, mərhum yaxın zamanda evinin həyətini təmir etməyi planlaşdırırdı. Lakin həyatını gözə alaraq yoxlamağa çalışdığı daşlar, onun sonunu gətirdi.
Hadisə ilə bağlı araşdırma aparılır. İlkin ehtimallara görə, plitələrin düzgün yığılmaması və təhlükəsizlik qaydalarının pozulması faciəyə səbəb olub.
