Özbəkistanın Moskvadakı səfiri Botirjon Əsədov Rusiya Xarici İşlər Nazirliyinə çağırılıb.
Azpost.info xəbər verir ki, buna səbəb Jurnalistika və Kütləvi Kommunikasiyalar Universitetinin rektoru Şerzodxon Kudraxocanın Özbəkistanda yaşayan və özbək dilini bilməyən insanlarla bağlı açıqlaması olub.
Kudratxoca özbək bloger Kiril Altmana müsahibəsində həmin şəxslərdən danışarkən deyib: “Qoy, özləri üçün bir nəticə çıxarsınlar, onlar işğalçı və ya axmaqdırlar”.
Rusiya Xarici İşlər Nazirliyinin bəyanatında deyilir ki, Moskva Kudratxocanın son bəyanatını son dərəcə təhqiramiz və qəbuledilməz hesab edir: “Belə ifadələrin məzmunu və tonu Rusiya və Rusiyanı . Özbəkistanla bağlayan dərin strateji tərəfdaşlıq və müttəfiqlik münasibətləri ilə tamamilə ziddiyyət təşkil edir”.
Rusiya tərəfi əmin olduğunu bildirib ki, dost və müttəfiq Özbəkistan əhalisinin böyük əksəriyyəti Kudratxocanın mülahizələri ilə razı deyil: “Biz heç bir halda bu bəyanatı Özbəkistanın çoxmillətli xalqının əhval-ruhiyyəsi ilə eyniləşdirmirik”.
Rusiya tərəfi ümid edir ki, yaxın vaxtlarda Özbəkistan Xarici İşlər Nazirliyi adıçəkilən yüksək rütbəli şəxsin bəyanatlarına prinsipial qiymət verən rəsmi şərh təqdim edəcək.
Özbəkistan məsələyə hələlik münasibət bildirməyib.
Azpost.info
