Pandemiya dövründə müəllimlərin 37 faizi yaşına görə risk qrupuna daxildir –

Təhsil Nazirliyi
20 Avqust 2020 - 20:07

“Pandemiya dövründə müəllimlərin 37%-nin yaşına görə risk qrupuna daxildir”.

Bunu Təhsil nazirinin müşaviri Elnur Nəsibov Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının “Pandemiya şəraitində təhsil sisteminin üzləşdiyi çətinliklər və təhsil prosesinin səmərəli təşkilinə ictimai dəstək” mövzusunda onlayn konfransında bildirib.

E. Nəsibov pandemiya dövründə təhsil ictimaiyyətinin qarşısında dayanan yeni çağırış və imkanların geniş müzakirəsinin faydalı olduğunu bildirib. Təhsil Nazirliyinin ölkədəki sanitar-gigyenik vəziyyəti daim monitorinq etdiyini deyən Elnur Nəsibov, həmçinin, ictimai rəyin də diqqətlə öyrənildiyini bildirib. Təhsil nazirinin müşaviri “ARB Günəş” və “Mədəniyyət” kanallarının efirində təşkil olunan, həmçinin virtual dərslərin məktəblilər üçün mühüm alternativ olduğunu deyib.