“Cənubi Koreyada hərbi vəziyyət KXDR ilə münaqişəyə görə deyil, ölkədəki daxili problemlərə görə elan edilib”.
Azpost.info bildirir ki, bu barədə prezident Yun Sok Yel bildirib. Onun sözlərinə görə, parlament cinayətkardır, ölkədə icra hakimiyyəti isə büdcənin qəbulu ilə bağlı problemlər üzündən iflic vəziyyətinə düşüb.
Yel əlavə edib ki, hərbi vəziyyət “gələcək nəsillər naminə ölkədəki vəziyyəti tez bir zamanda normallaşdırmaq üçün” elan edilib.
Cənubi Koreyanın Müdafiə Nazirliyi “əsas komandirlər”in iclasını çağırır.
Cənubi Koreyada parlament və siyasi partiyaların işi qadağan edilib. Bütün media və nəşriyyatlar hərbi komandanlığın nəzarətinə keçib, bütün tibb işçilərinə işə qayıtmaq əmri verilib.
Demokrat Partiyasının lideri artıq hərbi vəziyyətin tətbiqi qərarını konstitusiyaya zidd adlandırıb. Seul küçələrində hərbi texnika peyda olub, vertolyotlar səmada dövrə vurur. Parlamentə giriş bağlanıb, hətta deputatlar üçün də giriş bağlanıb.
