Ermənistanın baş naziri Paşinyan 11 noyabrda Rusiya paytaxtında Rusiya prezidenti Vladimir Putinin sədrliyi ilə keçiriləcək KTMT Kollektiv Təhlükəsizlik Şurasının iclasında iştirak etməyəcək.
Armenpress xəbər agentliyinin Baş nazirin ofisinə istinadən verdiyi məlumata görə, həmin gün Paşinyan Türkiyənin Antalya şəhərində keçiriləcək 31-ci BMT İqlim Dəyişikliyi Konfransında (COP31) iştirak edəcək.
Daha əvvəl Rusiya xarici işlər nazirinin müavini Aleksandr Pankin bildirib ki, KTMT Şurası növbəti iclasında Ermənistanın təşkilatdakı səsvermə hüququndan məhrum edilməsi barədə qərar qəbul edə bilər. Ölkə “iki ildən çoxdur ki, üzvlük haqqını ödəmir”.
Avqustun sonlarında Nikol Paşinyan Ermənistanın KTMT-dəki işini gücləndirmək niyyətində olmadığını bildirib. Yerevan 2024-cü ilin fevralında KTMT-dəki iştirakını dondurub və həmin ilin may ayında KTMT-nin maliyyələşdirməsini rəsmi olaraq geri götürüb.
