“Pekin Afrika ölkələrini “borc tələsinə” salmağa çalışmır”.
Azpost.info xəbər verir ki, bunu Efiopiyaya səfəri zamanı Çinin xarici işlər naziri Qin Qanq deyib.
“Afrika üçün “borc tələsi” iddiası Çin-Afrika münasibətləri ilə bağlı istifadə edilən sözlü tələdir”, – nazir bildirib.
O, Pekinin Afrika ölkələri ilə əməkdaşlığının davamlı inkişaf üçün zəruri olan potensialın gücləndirilməsinə yönəldiyini vurğulayıb: “Ödənilməmiş kreditlər problemi Afrika ölkələrinin iqtisadi inkişafını stimullaşdırmaqla həll edilməlidir”.
XİN rəhbəri bütün maraqlı tərəfləri mövcud borclara görə Afrika dövlətlərinin məruz qaldığı təzyiqin azaldılmasına töhfə verməyə çağırıb.
Qeyd edək ki, Pentaqonun rəhbəri Lloyd Ostin ABŞ-ın Rusiya və Çinin Afrikadakı hərəkətlərindən narahat olduğunu bildirib.
Çinin yeni XİN rəhbəri Qin Qanqın Afrika turnesi yanvarın 9-da başlayıb. Ayın 16-dək davam edəcək səfərlərin məqsədi əməkdaşlığı gücləndirmək olacaq. Qanq Efiopiyadan sonra, Qabon, Anqola, Benin, Misir də baş çəkəcək, Afrika ölkələrinin xarici işlər nazirləri ilə görüşəcək.
Azpost.info
