“Dünya əhalisinin təxminən yarısı iqlim dəyişikliyinin yaratdığı risklərlə üzləşib”.
Azpost.info xəbər verir ki, bunu BMT-nin baş katibi Antonio Quterreş Avstriya umumdünya sammitinin iştirakçılarına müraciətində deyib.
“İqlim böhranının ən pis təsirlərinin qarşısını almaq üçün fürsət pəncərəsi sürətlə bağlanır. Planetimiz artıq 1,2 dərəcə istiləşib. Müəyyən edilmiş 1,5 dərəcə həddi keçməmək üçün biz 2030-cu ilə qədər emissiyaları 45 faiz azaltmalıyıq”, – baş katib bildirib.
Quterreşin sözlərinə görə, aşkar təhlükəyə baxmayaraq, bir çox ölkələrin hökumət orqanları hələ də iqlim dəyişikliyinin qarşısının alınması üzrə sazişlərin icrasını gecikdirir: “Hələ ki bir çox ölkələrin hakimiyyət orqanları vaxtı uzadır. Hərəkətsizlik dəhşətli nəticələrə gətirib çıxarır. İqlim dəyişikliyi artıq hiss olunur və bəşəriyyətin təxminən yarısı təhlükə zonasındadır”.
Azpost.info
