Böyük Britaniyada baş verən dəhşətli terror aktı ilə bağlı yeni detallar üzə çıxıb.
AzPost xəbər verir ki, SkyNews-un məlumatına görə, Mançesterdə sinqoqa edilən hücum zamanı həlak olanlardan biri polis əməkdaşlarının atəşi nəticəsində səhvən öldürülüb.
Oktyabrın ikisində baş verən hadisə zamanı bıçaqlı hücum nəticəsində üç nəfər həyatını itirib. Polis əməkdaşları sinqoqa daxil olmağa çalışan hücumçunu dayandırmaq üçün atəş açıb. İlkin araşdırmalar göstərib ki, qurbanlardan biri məhz bu atəş nəticəsində güllə yarası alıb.
Mançester polisinin rəisi Stiven Uotson bildirib ki, hadisənin tam təfərrüatını dəqiqləşdirmək üçün tibbi ekspertizalar aparılır. Onun sözlərinə görə, qurbanın ölüm səbəbi ilə bağlı son nəticə yalnız müvafiq ekspertiza başa çatdıqdan sonra açıqlanacaq.
Daxili İşlər Nazirliyinin patomorfoloqunun ilkin rəyinə əsasən, ölənlərdən birinin bədənində odlu silah yaralanmasına uyğun izlər aşkarlanıb.
Qeyd edilir ki, hücumda şübhəli bilinən Cihad əl-Şami adlı şəxsin üzərində odlu silah olmayıb. Hadisə zamanı bütün atəşləri Böyük Mançester Polis Departamentinin əməkdaşları açıb.
Rəsmi qurumlar bildiriblər ki, polis hücumçunun daha çox insanı öldürməsinin qarşısını almağa çalışıb. Hadisə ilə bağlı araşdırmalar davam etdirilir.
