Ötən gecə Polşanın 10 şəhərində vurulan Rusiya PUA-larının qalıqları aşkar edilib.
AzPost bildirir ki, bu barədə ölkənin Daxili İşlər Nazirliyinin mətbuat katibi məlumat verib.
Onun sözlərinə görə, itkilər barədə məlumat yoxdur.
Yerli vaxtla saat 15:00-a olan məlumata görə, dağıntılar Çosnovka, Çesniki, Kşivovejba-Koloniya, Olesno, Veliki Lan, Voçin, Viçalov, Viriki, Zabloçe, Mnişkov şəhərlərində tapılıb. Sonuncu Polşanın mərkəzindəki Lodz Voyevodalığında yerləşir.
