Almaniyanın Porsche holdinq şirkəti 2026-cı ilin birinci rübündə təxminən 1 milyard avro itirib.
Azpost.info bildirir ki, holdinqin mətbuat üçün açıqlamasına görə, nəticəyə şirkətin investisiyalarının balans dəyərinə edilən düzəliş əhəmiyyətli dərəcədə təsir edib.
Holdinqin 2026-cı maliyyə ilinin birinci rübündə xalis zərəri 923 milyon avro təşkil edib.
Əsas səbəb Porsche SE-nin balans hesabatından Volkswagen AG aktivlərinin dəyəri üzrə 1,3 milyard avro məbləğində nağdsız silinmə olub. Bu qərar VW səhmlərinin bazar qiyməti ilə maliyyə hesabatlarındakı balans dəyəri arasında əhəmiyyətli bir fərq səbəbindən qəbul edilib.
“Maliyyə ilinin başlanğıcı gözləntilərimizə uyğundur”, – deyə Porsche SE İdarə Heyətinin sədri Hans Dieter Pötsş bildirib. O, şirkətin uzun müddətdir uğurla fəaliyyət göstərən əsas aktivlərinin biznes modellərinin rəqabət qabiliyyətini və gəlirliliyi davamlı olaraq artırmaq üçün yenidən nəzərdən keçirilməsinin vacibliyini vurğulayıb.
Holdinqin birinci rübdə düzəliş edilmiş mənfəəti bir il əvvəlki 484 milyon avrodan 382 milyon avroya düşüb. Porsche SE-nin 31 mart 2026-cı il tarixinə olan xalis borcu 5,147 milyard avroya çatıb.
