İyul ayında Avropa İttifaqının vasitəçiliyi ilə Azərbaycan prezidenti İlham Əliyevlə Ermənistanın Baş naziri Nikol Paşinyanın görüşü keçiriləcək.
Azpost.info bildirir ki, bu barədə ABŞ dövlət katibi Blinken Vaşinqtonda keçirilmiş Azərbaycan-Ermənistan XİN başçılarının 3 günlük görüşünün nəticləri ilə bağlı açıqlamasında bildirib.
Onun sözlərinə görə, qarşıda bir neçə həftədə bu görüş reallaşacaq: “Bizim təkcə Vaşinqtonda deyil, Avropa İttifaqındakı tərəfdaşlarımızla, həmçinin prezident İlham Əliyev və baş nazir Paşinyanla görüşlərimiz olub. Bilirik ki, yaxın bir neçə həftə ərzində Avropa İttifaqında onların iştirakı ilə növbəti görüşlər planlaşdırılır”-deyə Blinken vurğulayıb.
“Fikrimcə, bütün tərəflər də aydın şəkildə dərk edir ki, biz razılığa nə qədər yaxınlaşsaq, bəzi hallarda proses bir o qədər çətinləşir, çünki ən çətin məsələlər sonda qalır. Şəffafl, səmimi mühitə görə çox minnətdaram. Bu, qarşılıqlı anlaşma və razılığa nail olmağın yeganə yoludur”, – ABŞ dövlət katibi bildirib.
Azpost.info
