“Bu xoşagəlməz hadisələrin köklü səbəbi odur ki, həm cəmiyyət, həm də ordu güclü Rusiyanın il yarımdır niyə qalib gəlmədiyini anlamır”.
Azpost.info bildirir ki, bu sözləri Rusiyanın tanınmış politoloqu Sergey Markov “Vaqner” hərbi qrupunun qiyamını şərh edərkən bildirib.
Politoloqun sözlərinə görə, cəmiyyət və ordu hesab edir ki, uğursuzluğun səbəbi elitanın Rusiya üçün əsl müharibə aparmaq istəməməsindədir, çünki onlar Qərblə barışmağa ümid edirlər: “Cəmiyyət və ordu düşmənə qarşı amansız olmağı və sərt zərbələr endirməyi tələb edir. Və bu addımı hakimiyyətdən gözləyirlər. Buradan da elita əleyhinə güclü hisslər yaranır. Bu əhvalı Priqojin özünəməxsus şəkildə ifadə edir”.
Markov deyib ki, amma cəmiyyət həm də Priqojinin belə formada addım atmasını dəstəkləmir, xaos və qarışıqlıq istəmirlər.
Azpost.info
