Rusiyalı milyarder Roman Abramoviç nüfuzlu dostlarından borc almağa çalışır.
Azpost.info xəbər verir ki, bu barədə ABŞ-ın “PageSix” nəşri yazıb. Yazıda qeyd olunur ki, aktivləri sanksiyalara görə dondurulduğu üçün Abramoviç borc axtarışındadır.
Ona işçilərinin, həmçinin yaxtalarına qulluq edənlərin maaşlarını ödəmək üçün həftədə 750 min dollar lazımdır. “Dostları rusiyalı milyarderə borc pul verməyə qorxurlar. Abramoviç kömək üçün rejissor Bret Ratner və Rotşild ailəsində müraciət edib. Lakin onların ya nağd pulları yoxdur, ya da iş adamına qoyulan məhdudiyyətlər səbəbindən mümkün nəticələrdən qorxurlar”, – nəşr yazır.
Bir müddət əvvəl Britaniya məbuatı Abramoviçin Londonun prestijli Kensinqton bölgəsindəki torpaq sahəsinin icarə haqqını da ödəyə bilmədiyini yazmışdı.
Azpost.info
