“Rusiyanın iki əsas tərəfdaşı Çin və Türkiyə hesab edir ki, Moskva Ukrayna taxılının ixracı ilə bağlı BMT ilə sazişi təzələməlidir. Lakin Vladimir Putin onlara cavab vermir. O, öz xəttinə sadiq qalır və təkid edir ki, rekord buğda yığımı ilə Rusiya Ukrayna tədarükünü əvəz edə bilər. Və qiymətləri yüksəltmək üçün Ukrayna limanlarını bombalayır”.
Azpost.info xəbər verir ki, bu barədə “The Wall Street Journal” yazıb.
Diplomatlar nəşrə bildiriblər ki, Putin Türkiyə prezidenti Rəcəb Tayyib Ərdoğanın taxıl sazişinə qayıtmağı müzakirə etmək xahişlərinə məhəl qoymur. Onlar deyirlər ki, Ərdoğan son həftələrdə bir neçə dəfə bunu Putinlə müzakirə etmək niyyətində olduğunu desə də, tərəflər indiyə qədər danışmayıblar. Türkiyə rəsmiləri müxtəlif kanallarla Kremli danışıqlara çağırmağa davam edir.
“Azov” batalyonunun komandirlərini Ukraynaya qaytarmaqla (əsirlərin dəyişdirilməsi şərtlərinə görə, müharibənin sonuna qədər Türkiyədə qalmalı idi) və İsveçin NATO-ya üzvlüyünə razılıq verməklə Ankara Moskvanı qəzəbləndirdi. Bu addımlar Ərdoğanın may ayında yenidən prezident seçildikdən sonra Qərbə doğru atdığı addımlardan yalnız biridir”, – Türkiyənin Moskvadakı səfirliyində çalışmış yüksək səviyyəli diplomat nəşrə deyib.
Azpost.info
