CAR prezidenti Siril Ramafosa rusiyalı həmkarı Vladimir Putinə zəng edərək Afrikanın dövlət və hökumət başçılarının Ukrayna üzrə sülh planı barədə məlumat verib.
Azpost.info xəbər verir ki, Putin Ramafosaya Afrika ölkələrindən gələn nümayəndə heyətini qəbul etməyə hazır olduğunu bildirib.
CAR liderinin nümayəndəsi Afrika nümayəndə heyətinin Moskvaya səfərinin tarixinin hələ müəyyən edilmədiyini deyib. May ayında o, heyətin iyunda Ukrayna və Rusiyaya səfər etməyi planlaşdırdığını bildirmişdi.
İyulun sonunda Sankt-Peterburqda Rusiya-Afrika sammitinin keçirilməsi planlaşdırılır. Cənubi Afrika prezidentinin nümayəndəsi bildirib ki, Ramafosa ilə Putin arasında telefon danışığı zamanı müzakirə olunan mövzuıardan biri bu sammitin keçirilməsi olub.
Azpost.info
