“Putin hərbi qiyamın təsirindən bir qədər zəifləyib”.
Azpost.info bildirir ki, bu sözləri ABŞ-ın sabiq prezidenti Donald Tramp Röyter-ə açıqlamasında deyib.
Tramp bildirib ki, “Vaqner”in üsyanı nəticəsində Putinin gücü müəyyən dərəcədə zəifləyib: “Deyə bilərsiniz ki, Putin hələ də oradadır, hələ də güclüdür, lakin o, insanların şüurunda bir qədər zəifləyib”.
Trampın sözlərinə görə, əgər Putin Rusiyada birdən-birə hakimiyyətini itirərsə alternativin kim olacağı bilinmir: “Bu, daha yaxşısı, amma daha pisi də ola bilər”.
Tramp həmçinin qeyd edib ki, indi ABŞ-ın Kiyev və Moskva arasında münaqişənin sülh yolu ilə nizamlanması üzrə danışıqlarda vasitəçilik etməyə çalışmağın vaxtıdır: “Mən istəyirəm ki, insanlar bu gülünc müharibəyə görə ölməyi dayandırsınlar” -deyə o, müsahibəsində bildirib.
Azpost.info
