Rusiya prezidenti Putin Ermənistanın sabiq prezidenti Robert Koçaryana zəng vurub.
Azpost.info bildirir ki, bu barədə “Sputnik Armenia”ya Moskvadakı mənbə deyib. Telefon danışığı bir neçə gün əvvəl, Koçaryan Moskvada olarkən baş tutub.
Koçaryanın ofisindən xəbəri təsdiq ediblər. Ofisin rəhbəri Viktor Soqomonyan deyib ki, geniş telefon söhbətində tərəflər bir sıra məsələləri, o cümlədən regiondakı prosesləri müzakirə edib.
Bu il 2021-ci il ərzində Putinlə Koçaryan arasında üçüncü telefon zəngidir. Son dəfə onlar aprel ayında danışıblar.