Prezident Vladimir Putin verdiyi Viktor Vasilyevi Kollektiv Təhlükəsizlik Müqaviləsi Təşkilatında (KTMT) Rusiyanın daimi nümayəndəsi təyin edib.
Azpost.info RBC -ya istinadən xəbər verir ki, fərman hüquqi aktlar protalında qeyd olunub. Sənəd dərc edildiyi andan qüvvəyə minir.
Putin digər sərəncamla Mikael Ağasandyanı bu vəzifədən azad edib. O, 2021-ci ilin sentyabrından Rusiyanın KTMT-dəki daimi nümayəndəsi idi. Həmin dövrdə Ağasandyan Rusiya Xarici İşlər Nazirliyinin xüsusi tapşırıqlar üzrə səfiri olub. Bundan əvvəl o, Rusiya Xarici İşlər Nazirliyində müxtəlif vəzifələrdə çalışıb, BMT-dəki daimi nümayəndəliyin baş məsləhətçisi və Tunisdəki səfirliyin əməkdaşı kimi işləyib. 2023-cü ildə II dərəcəli “Vətənə xidmətə görə” medalı ilə təltif edilib.
Vasilyev 1989-cu ildən diplomatik xidmətdədir. 2013-2018-ci illərdə o, artıq Rusiyanın KTMT-dəki səlahiyyətli nümayəndəsi olub. Bundan sonra o, Romada BMT-nin Ərzaq və Kənd Təsərrüfatı Təşkilatında (FAO) və digər bu kimi beynəlxalq təşkilatlarda Moskvanı təmsil edib. O, əvvəllər Rusiya Xarici İşlər Nazirliyində müxtəlif vəzifələrdə çalışıb, BMT-dəki daimi nümayəndəliyin əməkdaşı, BMT-nin Cenevrədəki ofisində və digər beynəlxalq təşkilatlarda daimi nümayəndənin müavini, şəffaflıq və etimad üzrə BMT hökumət ekspertləri qrupunun sədri olub.
