Skip to content
cropped-cropped-logo.png

Analitik İnternet Portalı

Primary Menu
  • Siyasət
  • Dünya
  • Müsahibə
  • İqtisadiyyat
  • Araşdırma
  • Gündəm
  • İdman
  • Media
  • Şou Biznes
  • Sosial
  • Redaksiya Siyasəti
Light/Dark Button
  • Siyasət

“Putin sülhü Trampa baha satmaq istəyir” –

User 30 İyul 2025 - 16:29 (Last updated: 30 İyul 2025 - 16:29)
qudret bey
Ədalət, Hüquq, Demokratiya (ƏHD) Partiyasının sədri, millət vəkili Qüdrət Həsənquliyev partiyanın mətbuat xidmətinin suallarını cavablandırıb.
AzPost müsahibəni təqdim edir:
– Qüdrət bəy, Tramp atəşkəs üçün Putinə 10 gün vaxt verdi, bu, sülhə yol aça bilərmi?
– Putin əmin olsa ki, ABŞ-də Trampa impiçment elan oluna bilər, onun mövqelərinin gücləndirilməsi üçün güzəştə gedə bilər. Çünki Putin əsas məqsədinə çoxdan nail olb, Krıma quru yolu təmin edilib. Putin Trampdan istifadə edərək, Rusiya iqtisadiyyatının gücləndirilməsi, Trampın Nobel Sülh Mükafatı alması və Rusiyaya tətbiq olunmuş sanksiyaların aradan qaldırılması üçün atəşkəsə razı ola bilər. Putin sadəcə sülhü baha satmaq istəyir.
– Tramp Putinin istədiyini ona verə bilməsə müharibə davam edəcəkmi?
– Rusiyada başa düşürlər ki, hətta Trampın qurban verilməsi ilə belə Ukraynanı tam məğlub etmək indiki mərhələdə alınmayacaq. Ona görə də Rusiyanın atəşkəsə gedəcəyi ehtimalı böyükdür. Müdrik qərar bu olardı.
– Çoxları Rusiyanın azərbaycanlıları kütləvi şəkildə deportasiya edəcəyini gözləsə də, bu baş vermədi. Niyə?
– Çünki Rusiyada başa düşürlər ki, geri qayıdan azərbaycanlılar hökumətdən Rusiya ilə bütün əlaqələri kəsməyi tələb edəcək. Azərbaycan isə Rusiya üçün xüsusi əhəmiyyət kəsb edən ölkədir. Ermənistandan azərbaycanlıların qovulması nümunəsi göz önündədir. Həm də Rusiyanın işçi qüvvəsinə ehtiyacı var. İnanıram ki, Putin özündə güc tapan kimi Azərbaycanla münasibətləri pozmaq istəyən ətrafındakı müəyyən şəxsləri hakimiyyətdən uzaqlaşdıracaq və münasibətlər bərpa olunacaq.
– Azərbaycanın İran, Rusiya və Avropa İttifaqı ilə münasibətlərindəki müəyyən problemlər nə dərəcədə ciddidir və təhlükəsizliyimizə hansı təhdidləri yaradır?
– Pezeşkian Azərbaycanla münasibətləri tənzimləmək istəyir və biz bu istiqamətdə onun səylərini tam dəstəkləyirik, qarşılıqlı addımlar atırıq. Rusiya ilə də yaxın gələcəkdə münasibətlərin tənzimlənəcəyini gözləyirəm. Avropa İttifaqı ilə də müəyyən razılaşmaların əldə olunacağına inanıram. Ölkəmizin təhlükəsizliyi üçün üçün ən böyük təhdid iqtisadi və məhkəmə islahatlarının gecikməsidir. Daxilə investisiya qoyulmalı, yeni iş yerləri yaradılmalıdır. Görünən odur ki, hökumət xarici ölkələrə investisiya yatırıb, onlarla həm dost olmaq, həm də daha çox pul qazanmaq və xalqın minimal təlabatını ödəmək barədə düşünür. Amma hökumət pul qazanmamalıdır, iqtisadiyyatda rəqabət mühiti, əlverişli biznes şəraiti yaratmaqla sahibkarlara pul qazanmaq imkanı verməlidir. Ölkəmizə investisiya cəlbi üçün qanunun aliliyi, mülkiyyət toxunulmazlığı təmin olunmalıdır. Bürokratiyanı kiçiltmək üçün hökumət üzvlərinin sayını iki dəfəyə qədər azaltmaq olar. 5-6 nazirliyi (maksimum 10-11 nazirlik olmalıdır), bir neçə komitə və xidməti, agentliyi ləğv etmək lazımdır. Ölkədə böyük özəlləşdirməyə gedib, bazar iqtisadiyyatına tam keçidi təmin etmədən sürətli inkişafa nail olmaq mümkün deyil. İnhisarçı dövlət müəssisələri ən azından təcrübəli xarici özəl şirkətlərə idarəetməyə verilməlidir. Region dövlətləri ilə iqtisadi əlaqələr genişləndirilməli, ilkin mərhələdə Türkiyə və Cənubi Qafqaz ölkələri ilə ümumi bazar yaradılması üçün ciddi təkliflərlə çıxış etməliyik, Dünya Ticarət Təşkilatına üzv olmalıyıq. Hesab edirəm ki, böyük islahatlara başlamaq üçün geosiyasi vəziyyət də uyğundur.
– Qüdrət bəy, elm və təhsilin inkişafı üçün hansı addımlar atılmalıdır?
– İlk növbədə təhsilə daha çox pul ayrılmalı, çoxsaylı məktəblər, uşaq bağçaları tikilməlidir. Özəl məktəb və uşaq bağçası tikintisinə imkan yaradılmalıdır. Tanıdığım bir sahibkar var, uzun müddətdir şəhərin kənarında xarabalığa bənzəyən bir ərazidə, şəhərin baş planına uyğun olsa da, ciddi ehtiyac olmasına baxmayaraq, həmin ərazinin abadlaşdırılması, kommunikasiya xətlərinin yaradılması şərtilə mənzil, məktəb və bağça tikintisinə icazə ala bilmir. Təhsilin inkişafı üçün universitetlər özəlləşdirilməli, şəhid övladları və istedadlı gənclər dövlət hesabına təhsil almalı, imkanı olmayan digər tələbələr isə uzunmüddətli faizsiz kreditlərlə təmin olunmalıdırlar. Universitetlərdə elmi tədqiqat işləri aparılmalıdır. Ali məktəblərə qəbul orta məktəbin buraxılış imtahanlarının nəticələri əsasında aparılmalıdır. Bu yolla repititorluğa son qoyulmalı, müəllimlərin maaşı artırılmalıdır. Ölkəmizdə beynəlxalq dil olan ingilis dilinin öyrədilməsi üçün xüsusi dövlət proqramı qəbul olunmalıdır.

AzPost.az

Post navigation

Previous: Müəlimlərin işə qəbulunda yenilik –
Next: Naxçıvanda ildə cəmi 7 nəfər ipoteka krediti ala bilir

Oxşar xəbərlər

ilham alman xin
  • Siyasət

İlham Əliyev Almaniyanın xarici işlər nazirini qəbul edib

User 17 Noyabr 2026 - 17:38
seyyad aran
  • Siyasət

“Bura Milli Məclisdir, danışmaqxanadır” – deputat Səyyad Arandan etiraz

User 17 Noyabr 2026 - 13:43
ilham dircelis
  • Siyasət

İlham Əliyev Milli Dirçəliş Günü münasibəti ilə paylaşım edib

User 17 Noyabr 2026 - 00:10

xƏBƏR

yuxu
  • Maraqlı

Qışda səhərlər bu 7 vərdişdən uzaq durun – sağlamlığınıza zərər verə bilər

User 17 Noyabr 2026 - 18:40
Qış aylarında səhərlər yuxudan oyanmaq və isti evdən soyuq havaya çıxmaq orqanizm üçün əlavə sınağa çevrilə bilər....
Read more about Qışda səhərlər bu 7 vərdişdən uzaq durun – sağlamlığınıza zərər verə bilər
Camış əti və süni kürü… 41 şadlıq sarayında ciddi nöqsanlar aşkarlandı Toy
  • Sosial

Camış əti və süni kürü… 41 şadlıq sarayında ciddi nöqsanlar aşkarlandı

User 17 Noyabr 2026 - 18:18
Bakcell gənclər üçün növbəti süni intellekt hakatonunu keçirib ƏSAS FOTO 800x500 (15)
  • Media

Bakcell gənclər üçün növbəti süni intellekt hakatonunu keçirib

User 17 Noyabr 2026 - 18:11
Güzəştli mənzili kimlər ala bilər? -Hüququ olan şəxslərin tam siyahısı menzil dizayn
  • Baş Yazı

Güzəştli mənzili kimlər ala bilər? -Hüququ olan şəxslərin tam siyahısı

User 17 Noyabr 2026 - 17:48
İlham Əliyev Almaniyanın xarici işlər nazirini qəbul edib ilham alman xin
  • Siyasət

İlham Əliyev Almaniyanın xarici işlər nazirini qəbul edib

User 17 Noyabr 2026 - 17:38
  • Haqqımızda
  • Əlaqə
Copyright © Bütün hüquqlar qorunur | ReviewNews by AF themes.